🚨 القمح تقّلت سنابله… والقرار لازم يبقى تقيل زيه 🌾
القمح اللى مزروع اول هاتور بدأ مرحلة الطرد والسنابل دخلت مرحلة الامتلاء…
والريات اللى بعد الطرد دي مش “مياه وخلاص”
دي ريات بتزوّد 2–3 أردب للفدان 💰🌾
لكن…
في مناخ “معاند” ورياح على فترات…
الغلطة في توقيت الري = رقاد…
والرقاد يعني خسارة 20–25% من المحصول
✅حبوب ضامرة
✅ تبن داكن
✅ حصاد أصعب وتكلفة أعلى
⚠️ أخطر أسباب الرقاد حالياً
✅ زيادة الأزوت أو تأخير آخر دفعة
✅ كثافة تقاوي أعلى من 70–75 كجم
✅ الري المتباعد ثم رية غزيرة
والأهم 👇
✅ الري قبل أو أثناء هبات الرياح 🌬️
✅ وخلي بالك…
الرياح الخادعة بتيجي بعد الظهر أو آخر النهار
فهدوء الصبح ما يضحكش عليك.
📅 قرار الري هذا الأسبوع (واضح وصريح):
🟥 الخميس 12 فبراير 2026
🚫 ممنوع ري القمح في الجمهورية بالكامل
✅ يُسمح فقط في:
أسيوط – سوهاج – قنا – الأقصر – أسوان
🟥 الجمعة 13فبراير 2026
🚫🚫 ممنوع ري القمح في كل الجمهورية
تماماً… تماماً… بدون استثناء
🟥 السبت 14 فبراير 2026
💧 ري كل المناطق الجو هيكون هاديء نسبياً ان شاء الله
💧 توصيات تغذية مهمة
🔹 القمح المتأخر (لسه طارد):
رش كالسيوم بورون 1 لتر/فدان + سيتوكينين 4% او زنك مخلبي
🔹 القمح في الطور اللبني وبدايات العجيني:
رش نترات او سترات بوتاسيوم 1.5 لتر/فدان + سيتوكينين 4%
السنابل تقّلت…
فيا إما تحافظ عليها…
يا إما الرياح تاخد تعب الموسم كله في لحظة.
#أمشير_ما_بيهزرش
#قرارك_ينقذ_أردب
🎯 مطلوب تركيز أكتر… وتفاعل أكبر على المنشور ده
🤲 حفظكم الله جميعًا
وحفظ أوطانكم وأرزاقكم من كل سوء 🌾🇪🇬
✍️ دكتور محمد علي فهيم
📅 11 فبراير 2026
🌀 4 أمشير 1742
🌙 23 شعبان 1447
85
