التحجيم الامن للبصل/ الثوم/ البطاطس/البنجر
انتهزوا الاجواء الشتوية الباردة في التحجيم الآمن
الفترة دي أكتر حاجة شاغلة بالكم هي:
إزاي نوصل لأحجام مناسبة للمحاصيل الأرضية…
خصوصًا بعد التأخير اللي حصل في النمو والتحجيم نتيجة فترات التقلبات اللي وافقت مراحل حرجة من عمر المحصول.
التحجيم الطبيعي يزيد في الأجواء الباردة…
وبيقلّ في الأيام الدافئة.
استثمارًا لحالة الطقس الحالية… نطبّق إجراءات التحجيم الآمن للمحاصيل الآتية البصل - الثوم - البطاطس - البنجر
علشان معظم المحاصيل الأرضية هذا الموسم حصل فيها ضعف نمو… وبالتالي ضعف في التحجيم.
وده برنامج عملي للتحجيم للمحاصيل التالية:
البصل: عمر 90 – 100يوم
الثوم: عمر 85 – 110 يوم
البطاطس: عمر 80 – 90 يوم
البنجر: العروة الثانية والثالثة (حتى 110 – 120 يوم)
(وممكن الفاصوليا والجزر والبسلة والخرشوف والفراولة والطماطم ... الخ)
استخدم واحد أو أكثر من المعاملات التالية:
أولًا — نترات البوتاسيوم
1.5 – 2 كجم رشًا للفدان
تُكرر مرتين
يمكن الخلط مع سيتوكينين (4%) 25–30 سم/فدان
(للبصل – الثوم – البطاطس)
على 300 لتر ماء للفدان.
ثانيًا — سترات البوتاسيوم
1.5 لتر/فدان رشًا
تُكرر مرتين
سيتوكينين 25–30 سم/فدان
(للبصل – الثوم – البطاطس)
على 300 لتر ماء للفدان.
ثالثًا — البورون
أفضل استخدامه رَشًّا كالتالي:
البنجر: قبل الحصاد بشهرين (تركيز 14%)
البصل والثوم: قبل الحصاد بشهر
البطاطس: قبل الحصاد بـ 20 يوم
الجرعة: 1.5 لتر/فدان
مع إمكانية الخلط مع KTS ثيوسلفات البوتاسيوم بمعدل 1–1.5 لتر/فدان / 300 لتر ماء.
رابعًا — ميبكوات الكلوريد 25%
100 مل / 400 لتر ماء (بصل – ثوم – بطاطس)
دوره مهم في تصفية العرش ونقل الغذاء للابصال والدرنات وبالتالي تكبير الحجم.
ملاحظات غاية في الأهمية:
لا يُخلط مع أي أسمدة أو مبيدات… مع التأكد من نظافة موتور الرش
فترة الأمان 21 يوم — لا يُستخدم أي محصول كعلف أو غذاء خلالها
لا يُستخدم في البنجر الضعيف أو المتقزم إلا بعد تجهيز العرش
يتم الرش مع وجود رطوبة أرضية مناسبة
يُفضّل الرش قبل الغروب
لا يُرش نهارًا أثناء الحرارة العالية لأنه يتكسر
أستاذ دكتور / محمد علي فهيم
رئيس مركز معلومات تغير المناخ
مركز البحوث الزراعية
الثلاثاء 30 / 12 / 2025
المشاركه علي منصات التواصل الأجتماعي
عدد المشاهدات
81
 1.png)
