الكلام اللي جاي ده مهم جدًا… ومهم لكل مزارع ومهندس زراعي! 🚨
عشان الكل بيسأل: إيه اللي بيحصل في المحاصيل؟!
إحنا قدام صيف استثنائي… أجواء غير معتادة… ومناخ مختلف، والتغيرات دي مش مجرد أرقام في درجات الحرارة أو نشرات جوية…
التأثير الحقيقي بدأ يظهر على الأرض… وفي بعض الحقول… وعلى النباتات والمحاصيل!
وبالمتابعة المستمرة مع أهالينا المزارعين في مختلف المناطق، بدأت تظهر مجموعة من الظواهر غير المعتادة، واللي بنلاحظها بدرجات متفاوتة من محصول لمحصول ومن منطقة لأخرى.
والأهم: إن بعض هذه التأثيرات ظهرت بالفعل… وبعضها مستمر… وبعضها قد يمتد تأثيره خلال الفترة القادمة.
تعالوا نشوف أهم اللي تم رصده حتى الآن:
من أكثر المحاصيل التي ظهرت عليها ظواهر جديدة ، سواء في صورة مشاكل في النمو أو ظهور بعض الأمراض، ومنها عفن الساق البكتيري، بالإضافة إلى زيادة ظاهرة الكيزان الفارغة من الحبوب أو وجود صفوف غير مكتملة وغير متناسقة، نتيجة اضطراب وفشل عمليات الإخصاب.
ضعف عام في النمو، وزيادة حدة اصفرار الأوراق السفلية، واحتراق حواف الأوراق، مع التحذير من تهيئة النباتات للإصابة بـ اللفحة وثاقبة الساق «دودة القصب الصغرى».
هنا ظهرت صورتان متناقضتان:
إما ضعف واضح في النمو و«قرمشة» الأوراق، أو على العكس هياج في النمو الخضري وتسرولة وتأخير في التزهير وعدم انتظام خروج اللوز «الوسواس»… ونفس الظاهرة ظهرت أيضًا في
#البامية.
ظهور مكثف لمشكلة سروالة العيدان، مع ضعف السيقان والأفرع، وتأخير وضعف التزهير، وأحيانًا ضعف عام في النمو واصفرار الأوراق.
تباطؤ وتقزم في النمو، مع بطء واضح في تكوين المجموع الخضري، وهي ظروف تجعل النباتات أكثر حساسية للإصابة بالحشرات القشرية وغيرها.
زيادة واضحة في اصفرار الأوراق وضعف النمو بصفة عامة، ونفس الأمر لوحظ في
#الفول_السوداني ومشاتل الفراولة.
ضعف في التزهير، وزيادة واضحة في معدلات التنفيل، مع نقص في تكوين القرون.
لوحظ أن الدرنات المخزنة تحت القش تعرضت لتدهور سريع، مع زيادة نسبة التالف والفاقد.
ودي من أكثر المحاصيل اللي اتأثرت بشكل واضح جدًا…
نمو غير طبيعي ومتقزم، ضعف أو غياب التزهير والعقد، وزيادة واضحة في ظاهرة «الكبسنة».
ودي تحديدًا هيكون لها كلام كتير ومفصل جدًا في منشورات قادمة إن شاء الله.
زيادة واضحة في تشوه القمم النامية، وتأخير التزهير، وارتفاع معدلات التنفيل.
11
#المانجو و#الزيتون و#الموالح و#التين و#الرمان
تأخير واضح جدًا في معدلات التحجيم والتلوين.
وخاصة في مناطق وسط الدلتا الغربية والدقهلية… وللعام الخامس على التوالي تظهر مشكلات متعددة، لكن هذا العام ظهرت بصورة أكثر كثافة، خاصة تأخر التزهير والضعف الكبير في حجم العناقيد.
تساقط غزير للعقد الحديث، مع اصفرار الأوراق واحتراق حوافها.
ضعف عام في معدلات التزهير والنوار، مع احتراق الأوراق السفلية.
15
وده مش كل شيء!
إحنا كمان بنشوف ضراوة وزيادة في تعداد وانتشار الحشرات، خاصة الحشرات الثاقبة الماصة، ومنها:
المن
التربس
الجاسيد
الذبابة البيضاء
الحشرات القشرية
البق الدقيقي
بالإضافة إلى دودة الحشد، وذبابة الفاكهة، وحفار ساق الزيتون، وذبابة المقات وغيرها.
وكمان فيه زيادة في حدة وانتشار بعض الأمراض خلال بداية الصيف، خاصة الفطرية والبكتيرية، ومنها مشكلات في عدد من المحاصيل، مثل:
الندوة المبكرة والتبقع البني على البطاطس
اللطعة الأرجوانية ولفحة الاستيمفيليوم على البصل والثوم
أعفان الجذور والثمار على الفراولة
ومشكلات مرضية أخرى على العديد من محاصيل الخضر وغيرها.
وحتى
#الحشائش بقت أكثر عنادًا، وبعضها أصبح أقل استجابة لبرامج المكافحة بالمبيدات، خاصة بعض الحشائش الصيفية مثل:
الرجلة – أبو رُبّة – الدنيبة وغيرها.
طيب… إيه اللي حصل؟! وليه كل ده بيحصل؟
هل السبب هو الحرارة فقط؟
ولا الرطوبة؟
ولا التغيرات المفاجئة بين الليل والنهار؟
ولا اضطراب التزهير والإخصاب والعقد؟
ولا تأثير المناخ على كفاءة امتصاص العناصر؟
ولا زيادة ضغط الحشرات والأمراض؟
ولا كل ده مجتمع مع بعض؟!
الإجابة مش واحدة… والموضوع محتاج شرح وتفصيل.
لذلك، خلال الفترة القادمة إن شاء الله، هنعمل سلسلة منشورات تفصيلية نشوف فيها مع بعض:
إيه اللي حصل لكل محصول؟
إيه السبب المناخي والفسيولوجي المحتمل؟
إزاي نميز المشكلة عن غيرها؟
إيه الإجراءات الوقائية؟
وإيه الحلول والعلاجات المناسبة لكل حالة؟
مهم جدًا:
لو عندكم في الحقول أي ظواهر غريبة أو مشكلات غير المذكورة في المنشور، اكتبوا لنا في التعليقات بالتفصيل:
اسم المحصول + المحافظة + عمر النبات + وصف المشكلة
ولو أمكن صورة واضحة للحالة.
خلونا نجمع الملاحظات من أرض الواقع، ونحاول مع بعض نفهم إيه اللي بيحصل لمحاصيلنا في هذا الصيف الاستثنائي.
المشاركه علي منصات التواصل الأجتماعي
عدد المشاهدات
59
 1.png)
#الذرة
#الأرز
#السمسم
#القصب
#اللوبيا
#الطماطم – عروة يونيو ويوليو
#الفلفل
#الجوافة
